Hanonja (iLémamy A)

Toa ferana voamaika mikiry
Ho rarana toa voamai mankadiry
Miziriziry tsy hita ho sakanana
Miriorio tsy haiko ho tanana

Voamaika mafonja, toa te hiara hanonja
Ny ao anatiko ao
Mandaoka fery,tsy te ho irery
Ny ao anatiko ao
Toa te hiara hiventso,te hiara hitempo
amin'ilay fonao izato foko mianatra mitia
Ka aza manahy fa matokia,
Ny hivadika,dia ho sanatria.

Sambo ho entin-onja lay fitiavako
Atopatopany satria tsy mba manan-tsafidy.
Hiemotra ho havariny,handroso ho babony.

Babo aho tsy haiko hoe maninona,
Babo aho fa tsy te hionona,
satria mba te hiara hiorona,
Hiorona ao am-ponao.

Raha ny faniriany dia ny hitoetra ao am-ponao,
Saingy ny hatretro,jioga no lanitra hianteherany.
Ka lay fitiavana mafonja,no zary lasa fonja sy fijaliana ho azy
Satria lay fo mba nianteherany,
Mandray azy ho vazivazy.
--------