FAHAZAZA (Jean Jacques RABEMILA)

Nantsain'i
(Nalaina tao amin'ny vetso.serasera.org)
Fahiny, fahazaza, raha tany ambanivohitra
Miara-mikarenjy amin'ny fody sy sorohitra ;
Miaraka mifoha amin'ny fitatra sy goaika
Ka mifarimbon'asa amin'ny mpiasa tany maika ;

Rehefa antoandro ny andro, mila tsy hahomby,
Ilaozana ny angady, dia lasa miandry omby,
Ka manariva andro mamandrika kibobo,
Papelika, tsipoy, anaty lobolobo ;

Na raha tsy izany indray, dia lasana manjono,
Misaka marakely na orana hatono,
Ery an-doha riana, ka loza indraindray
Fa tompondrano lava ny orana voaray !

Rehefa hariva ny andro izay vao lasa mody,
Miaraka amin'ny omby, ny arosy mbamin'ny fody,
Fahiny fahazaza raha tany ambanivohitra,
Ka niara-nikarenjy tamin'ny fody sy sorohitra.

Jean-Jacques RABEMILA
--------
Rohy:
1128 3
Hevitra mandeha
patrickmjk ( 28/05/2022 07:53)
Mba fangatahana ny mba ampidirana azy ho azo hohainoana.
hery ( 14/06/2022 19:14)
Efa ao :-)
patrickmjk ( 27/06/2022 04:10)
Mankasitraka e! Misaotra
Hametraka hevitra
Midira aloha
Momba ny tononkalo
Mpanoratra : Jean Jacques RABEMILA
Nampiditra : nirinamercia
Daty : 18/04/2020 21:06
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.136