ANATRA - JORO

Azo vakiana?

Tsarovy ry sakaiza
F'ireo tanjon-dRay sy Reny
Dia manoro sy mitaiza
Sy hahasoa anao raha miteny

Raha ny teny 'zay lazainy
Entiny hananarany anao
Noho ianao sombin'ny ainy
Dia mba ho lasa olom-baovao

koa raha mananatra izy ireny
Aza hodiana tsy henoina
Fa mba raiso re ny teny
Mba hialana ireo voina

Fa ny anatr'izy ireny ry lahy
Dia toy ny tsipak'ombalahy
Ka tena mahafaty tokoa
Raha sendra mahavoa
Raha tsy, dia mahafanina
Ka any ankady vao tafarina

Koa izao no tadidio
Fa ireo ditranao anio
Dia hanjary fandatsana
Rehefa tonga any ampara

Hametraka hevitra

Midira aloha

Mombamomba

Mpanoratra : JORO

Nampiditra : Moundzee
Daty : 17/10/2008
Mpamangy : 1316
Mankafy : 0

Tononkalo hafa

Asa...!
Neny
HIEZAKA AHO