You are here: home > Vetso

Tsy vita ny tantara - KABATRITRA

Azo vakiana?




TSY VITA NY TANTARA


Ny tantara dia tantara
Tsy voakosoka indrisy
Na inona anjara
Dia izay no zava-nisy.

Ny sehatra rehetra
Dia vitantsika sary
Voapika hitoetra
Anatin'ny diary.

Ny tantara anefa moa
Tsy voatery anaty boky
Fa holatra am-po
Na hery vao ho toky.

Rotsio ny tsiahy
Ho renoka any tsara
Satria ekeko fa :
Tsy vita ny tantara !

KABATRITRA
07 NOVAMBRA 2004

Sokajy : fiainana, Fitiavana

Hevitra mandeha

nyeja (08/11/2004 19:45:19)

setrin'ny tononkaloko"izay no vita ny tantara " ve io ry batritra ???? mba mahaliana ahy raha izy marina mantsy !
Ny Eja

kabatritra (08/11/2004 23:56:17)

Tena izany mihitsy ry ny eja. Aza tezitra an ! Tiako be ilay niantsoanao ahy hoe batritra !

nyeja (09/11/2004 19:33:10)

hay ve tianao ilay hoe batritra e za zao saika hiala tsiny fa nandiso anaran'olona !. Tsorina aloha fa anisan'ny tononkalo nanaitra ahy izy ity e, tsara ilay izy ary ny ahy efa sangan'asa tsara dia mendrika hoderaina , mahereza e !.
Ny Eja

kabatritra (10/11/2004 00:36:12)

Misaotra sy mankasitraka anao aho ny eja.

NyKanto (10/11/2004 20:11:54)

Nisy olon aniresaka tamiko ary nilaza hoe : "Tsy izay voalaza hoe efa vita no atao hoe tapitra tanteraka" .

nyeja (11/11/2004 07:37:43)

nomeko isa dimy ilay izy an
Ny Eja

kabatritra (13/11/2004 00:13:05)

Marina indrindra io ry NyKanto.
Misaotra indrindra ry Ny Eja. Tena namana tokoa ianao.

Hametraka hevitra

Midira aloha

Mombamomba

Mpanoratra : KABATRITRA

Nampiditra : kabatritra
Daty : 08/11/2004
Mpamangy : 881
Mankafy : 3

Tononkalo hafa

Tsy toky
VOATAHIRIKO NY PEJY