Mangataka "FAHENDRENA" (Lalaharison havotraniaina)

Ireo zavaboahary,
Nataon'ny Zanahary,
Isika no voatendry,
Hiasa sy hanendry.

Hitandrina hiasa,
Hanapaka hampiasa,
Isika no mandidy,
Nomena ny adidy.

Saina vatana fanahy,
Olombelona izany,
Ambony sady tsara,
Ambony fahalalana.

Miavaka isika,
Tsy toy ny zavaboahary,
Navahan'ny Mpahary,
Avy amin-janahary.

Masina ny adidy,
Nomen'ny Mpahary,
Mila fahendrena,
Mangata-pahendrena.




Mpanoratra: LALAHARISON Havotra Niaina
--------