Sampanana (mahorani)
Mbola tsisy niantsa
(Nalaina tao amin'ny vetso.serasera.org)
SAMPANANATsy voatery foana hoe, tsy maintsy ho tafara-dalana;
Satria mino mihitsy aho, fa eto angamba ilay sampanana;
Izay tsy ahafahana manoatra, ka tsy maintsy isarahana!
Fa ianao mety hiankavia, ary izaho mety hiankavanana!
Fa ny lalantsika ety, efa voafaritra mialoha:
Toy ny kotroka mitrena, izay manombana ny orana;
K'aza asianao teny akory, izay niainana taloha,
Fa ekeo kosa izao, hoe lalana tsy maintsy hizorana!
Ka raha hiankavanana aho;ary ianao ndeha hiankavia;
Dia aza miherika ka hoe, hijery ny tany aoriana tany!
Fa izaho miteny anao, hoe minoa ary matokia:
Fa hiezaka aho aty, mba hanao toy izany!
Soava dia, tsy ho solafaka, ho tafita soa aman-tsara,
Mba ho tojo izay irina , hanakaiky hasambarana;
Fa ny amintsika kosa aoka hivalona ho tantara:
Toy ny tantara rehetra izay tsy maintsy hofaranana.
Mahorani(Sejianis)
--------
Rohy: