Alina mangina (Mampikanto)

Nantsain'i ikalamako
(Nalaina tao amin'ny vetso.serasera.org)
ALINA MANGINA

Tao anatin’ny fahanginan’ny tontolo
No angalako sary an-tsaina
Ilay tsikinao malefaka
Sy ny endrikao toa tsy voasolo

Nanajana ny safidy
Tao am-po feno fahanginana…


Tsio-drivotra malefaka
No mba hany nanoina
Ilay antso mba hanampy
Ity fo toa vaky sy hitresaka!


Feom-piara iray nandalo
No nanimba ny fahanginana
Tao anaty haizim-pito
Toa tsy laitra ihodivirana


Dia tony indray ny zava-boahary
Zary gina teo indray ny tontolo !!!


Alina mangina, alina hafa kely
Mbola ho zary misitery
Sa hifono hevi-dalina
Dia ilay fitia saro-takarina

Ny safidy nokinasa, noratovina
Toa zary lasa honahona ???

Ny ho avy andrandraina
Sanatria ho very maina
Fa ny lasa nankafizina
Toa avela ho lasa tsy voafihina


Fiainana hafa kely !!!
Nefa toa tinapaka ny fery

Mampi-kanto 29/08/2003 à 23h55
--------
Rohy:
Sokajy : Fitiavana
8666 0
Hametraka hevitra
Midira aloha
Momba ny tononkalo
Mpanoratra : Mampikanto
Nampiditra : mampikanto
Daty : 04/10/2003 06:50
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.0141