BIBIOLONA (Miarina RF)

BIBIOLONA

Misy heritreritra ny olona
Fa ny biby tsy hambaka an'izany,
Ny misy dia niara-nitolona
Fa tsy vitan'ny hoe :''mpaminany''.

Mijoro mahintsy ny olona
Ny biby koa anefa mandady,
Fa nahoana ireo mpiara-belona
No dia mifandroy amin'ny tady ?

Mahay miteny ny olona
Ny omby koa nefa mitrena,
Fa nahoana no sintosintonina
Ny nonony rehefa terena ?

Misy fanahy ny olombelona
Fa ny biby koa misy atidoha,
Aza gaga raha misy domelina
Rehefa avy minan-kisoa !

Mivavaka anefa ny olona
Ny biby angaha mpanompo sampy ?
Samy velona niara-nitolona
Ka aza mifanindrona antsy !

Ny biby tsy tahaka ny olona
Fa ireo biby no amidy eny antsena,
Raha nandà ireo tsy laitra tolomina
Ka aza asina faneriterena !!?

(...)Miarina RF
--------