Nahoana ary no tsy ianao (Miarisoa Faraniaina)

Nahoana ary no tsy ianao ilay mpanonona fitia rehefa anaty fasambarana
Nahoana ary no tsy ianao ilay ravaka vantaniko rehefa mbÿ ambaravarana
Nahoana ary no tsy ianao ilay hany omeko anarana antsoina hoe andefimandry
Nahoana ary no tsy ianao ilay mpanoroka ny molotro sy mpiondana ny sandry

Nahoana ary no tsy ianao ilay mpanaza haizina rehefa indro maty jiro
Nahoana ary no tsy ianao ilay mpizara fihadanana sy mpamahana matsiro
Nahoana ary no tsy ianao ilay pejy izay famakiko amin'ny alina mangina
Nahoana ary no tsy ianao ilay atsokotsoko anarana rehefa oram-pifalina

Nahoana ary no tsy ianao ilay maso mifanatrika raha vao mifoha maraina
Nahoana ary no tsy ianao ilay toerana fonenako izay ho saha sy zaridaina
Nahoana ary no tsy ianao ilay mpanomana kafe alohan'ora mba hiasana
Dia nahoana no tsy ianao ilay mpibedibedy ireny rehefa misy fahatatana

Sa raovina vao ianao ilay mpiantsampy ety antratrako
Sa raovina vao ianao ilay mpanitrana ny ratrako
Dia raovina vao ianao no antsoiko hoe malalako
Dia raovina vao ianao no mpanjaka anaty valako
Androany aho manantena
Ny ampitsotsika mifanena
Dia ianao Daholo ireo..
--------