You are here: home > Vetso

VATO FEHIZORO - MiséVonjy

Azo vakiana?

Ito vato izay nipetrahana, fony nandalo teto isika
Valabalakin’ny dia, niato nitady fitsaharana
Dia indro mbola eo, tsy lasana, tavela toa vatofantsika
Hitahiry ny andro rehetra, ny andron’ireo mila namana

Isika koa mba isany, nanamarika ny fiainany
Nanamafy orina ihany koa, izato toerana nipetrahany
Saingy izaho irery sisa, indro mampatsiahy ny fisainany
F’ilay namako iny mantsy, efa dify lavitra zany làlany.

Tsaroako ‘lay vazivazy, nifanaovan-tsika ho dina
Fa tsy ho fasika ny fitia, ho mafy fototra fa vato
Ka eto ambonin’ito seza ito, no hafatotra ry tiana
Ny tadim-pitiavan-tsika, tsy hivaha tsy hiato

Fa ho vato fehizoro, hanorenana ny ho avy
Ito vato ito, hifanolorana ireo voady
Ka inona midona, tsy hamparary tsy hampanavy
Fa izato dina nifanaovana, no hampinga enti-miady

Fa dia izaho irery sisa, no indro mbola miverina
Mipetraka maminany, ireo andro izay nodiavina
Amin’ito vato mangatsiaka, toy ny vatom-pandevenana
Ireny lasan-tsika ireny, efa maty ka nalevina.

Sokajy : Aingam-panahy, embona

Hametraka hevitra

Midira aloha

Mombamomba

Mpanoratra : MiséVonjy

Nampiditra : zavotany09
Daty : 02/09/2010
Mpamangy : 601
Mankafy : 0

Tononkalo hafa

raha sendra...
tsy sahy
mandrakizay
TIA TOKOA
IANAO
Noro
RAKITRA
IZAHO ALOHA
TSY ILANA
NIFARANA