Inay aho (MpiangalyPoezia (Zo Harinirina))

Inay aho,

Tetsy an-jaridaina
nanarinary dia,
nanalanala voly
fo, saina ngolingoly
...
Dia nianatra hankafia
Ny hankanton' ny voahary,
fitiavan-tsoratsoratra
sy kisarisary
Hany ka toa zary
adino teo ireo sorisory
Inay aho tonitony
...
Raha mbola lasalasa teo
'ty saiko adaladala
No efa vita an-tsary
ilay masonao mijery,
Mifonofono misitery
Nisinda tsy tadidy,
Nanolatra tsy fidy
'lay fo efa torotoro
--------