You are here: home > Vetso

Babonao - Njaka

Azo vakiana?

Babonao

Babonao tokoa aho , tami'ny andro iray miserana
Ka nokaloiko anao daholo, ho tsy misy fahataperana
Na ilay fo miafinafina, manangasanga te hiery
Dia nahajambena ny fitiavako , ka niraitra ho fery

Babonao tokoa aho , tamin'ny alina mangina
Ka nandefa vetsovetso toy ny rano mikoriana
Novetsoiko tamin'izany izato bikanao
tinafinafy lambahoany , voninkazo vaovao

Eny Babonao tokoa aho, tami'ny nofinofy maro
Ka nifikitra aminao , ary lasa saro-piaro
Ka na eny andalana eny , n'aiza n'aiza misy anao
Dia loko iray ihany no mba tazako aminao

Tena Babonao tokoa ny foko sy fanahy
Fa hany tsy voalazanao
Dia ny fitiavanao ahy

Njaka (ziak'Art d'Erre)

Hametraka hevitra

Midira aloha

Mombamomba

Mpanoratra : Njaka

Nampiditra : jeroma
Daty : 26/11/2004
Mpamangy : 1527
Mankafy : 0

Tononkalo hafa

Tia anao tanteraka aho
Ny fitiavana rahavako
Sitrapon'iza?