Ny fitiavana rahavako (Njaka)

(Atolotra an'i Malalason mpakafy)

Ny fitiavana rahavako , toy ny rano mikoriana
Mikoriana avy amin'ny tavako , hatsembohan'olo-tiana
Toy ny rahona miserana , mambabo izany fo adala
Nefa kosa mety hamelana , raha tsy misy mahalala.


Ny fitiavana rahavako , tsy natao anao irery
Na vidiana sy atakolo , ka tsimponina eny ho eny
Fa alaina avy amin'ny fo, borahana amin'ny olon-tiana
Ampidirina ao an-doha, hampizara fifaliana.

Ny fitiavana rahavako , misy fo sy manan-tsaina
Manan-toetra tsy azo avahana , toy ny zava-manan'aina
Ny horokoroka mangina , Ny fotoana maro very
Moa mba nisy moa ianao , raha tsy teo angamba ireny ?


NJAKA
--------