You are here: home > Vetso

Afoiko - Ny aingam-po

Azo vakiana?

Afoiko ianao malala an, afoiko avelako any,
Ndehana dia aza mierika mijery akory ny amiko,
Monja teny mamiko sisa ataovy an-tsaina...
Dia ataovy toy ny hoe, tantara ny amintsika...
Sary indray mipika ka resin'ny fotoana,
Moa koa zava-poana e! Ka sarotra inoana hoe mandrakizay doria.
Ny tia mifankatia ihany no mahavita izany.
...
Mantsy tamintsika nifanesy ny tomany namafisin'alahelo,
Ka aza gaga ianao raha ravarava teny ny tantarantsika roa.
Tsy hitohy intsony koa, na inona ary vaikany...
Na tiako ary ianao, tsy hisy fiantraikany...
Tsy hare ny antsoantsonko ny sofinao malala a!
.
Na aza mbola tia ity foko adaladala,
Dia navelanao horotiky ny tsiaro sy ny nenina.
Eny e, ny vita tsy hanenenana(...) ny ratsy no harenina
Ny endrikao tsy hoadiniko f'iraikitra ato ampoko...
Fotsiny an! ny fiharahantsika no afoiko.

Sokajy : fananarana

Hametraka hevitra

Midira aloha

Mombamomba

Mpanoratra : Ny aingam-po

Nampiditra : Aingam-po
Daty : 04/07/2019
Mpamangy : 165
Mankafy : 1

Tononkalo hafa

Ny tononkaloko