Ny Valim-babena - Lovako T3 (Pierre Robert Ralandy)
(Nalaina tao amin'ny vetso.serasera.org)
Dada malala sy i neniko izayDia fola-damosina ery taminay
I Neny no nitaiza, nibaby, nanasa
I Dada isan'andro torovana miasa
Izaho no tomady sy tena salama
I Dada no vizana be nikarama
Izaho no olom-banona sady hendry tsara
I Neny no sasatra nikarakara
Mba inona kosa no havaliko ireny
Fitiavan-tsy ritran'i Dada sy Neny?
Manaraka tsara izay anatra omeny
Mivavaka ho azy no valim-babena!
--------
Rohy:
Sokajy :
Fananarana - Fitiavana
Hevitra mandeha
hery
(
26/08/2024 19:28)
Tsianjery fahiny... fa tena tiako be ilay niantsa azy... Misaotra
Fre
(
27/08/2024 12:44)
I Mahatoky Azy ilay miantsa, 7 taona izy ary hiditra kilasy T3, ka dia nanokatra ny boky lovako hisantarana izany.