Ny reny (R. Manoela)
(Nalaina tao amin'ny vetso.serasera.org)
Ny teny mba haintsika rah' vao nitenyDia ny manonona ny hoe "Neny" ;
Izany no teny iray nanan-kery,
Ka masaka am-bava raha mbola kely !
Ka nony mba noana ity kibo kely,
Ny hany atao dia ny miantso hoe : "Neny",
Dia fantany tsara ny dikan'ny teny,
Ka vary na mofo no indro omeny.
Rehefa mba voky ka mila hatory,
Dia tsy mba manao teny maro tsy akory,
Fa " Neny" no teny atao ngolingoly,
Dia rotsirotsiny ka tonga matory.
Rah' sendra mba misy ny loza ahina,
Ny reny ihany no antsoantsoina ;
Dia tamy mihitsy izy sady manoina,
Mitsena ny loza, na dia hovonoina !
Indrisy ! Rah' sendra marary ny aina,
"Ry Neny, ry Neny" no hany taraina ;
Mandre an'izany ny reny ka gaina,
Miara-mijaly sy miferinaina…
Hajao re ny reny fa laka-nitana,
Fa tena mandavo izy raha dakana.
Tsarovy izany, ry zanaka adala,
Ka tiavo mihitsy ny reny malala.
Fanilon'ny Tanora, aprily 1929
--------
Rohy:
Hevitra mandeha
raims randriamalala
(
12/08/2019 14:35)
mba kosa ianao zany tamin'ny mbola kely ny ahy zao dada no tena haiko nanonona voalohany ko! hahaha, na izany aza mahafinaritra ny tononkalonao ko
raims randriamalala
(
12/08/2019 14:36)
dia tamin'ny 1929 izany izy ity no nosoratana r'ise, hahaha
hery
(
13/08/2019 15:17)
Tononkalon'i R. Manoela io fa i jantina no nampiditra azy.
R. Manoela dia mpanoratra niaraka tamindry JJ Rabearivelo ka rariny raha tamin'ny 1929 ilay tononkalo 😊
R. Manoela dia mpanoratra niaraka tamindry JJ Rabearivelo ka rariny raha tamin'ny 1929 ilay tononkalo 😊
raims randriamalala
(
13/08/2019 15:28)
hay ve, tena tsy fantatro mihitsy izany mpanoratra izany aho a, misaotra hery a, gaga mantsy ko, hihihi