Andriamanitro oh! - R.V.K

Azo vakiana?

Andriamanitro oh!
.
Fa dia nahoana re???
Ny antitra tsy lany
Ka ny zaza vao mandeha
No aringanao sahady
.
Moa va,...nisy ota fady
Na heloka nataon'
Ireo zaza vao mandady ???
.
Andriamanitro oh!
Mahonena loatra
Ny hirifirim-pon'
Iretsy Ray sy Reny
.
Bongon-dranomaso
Tsy mahaloa-peo,
Miangavy re toneo
.
Meteza hampitraka
Hampihonona sy hamafa
Ny ranomaso lany
Tsihifin'ito tany
.
F'angamba tsy mba misy
Mangidy mihoatra izany
Mamoy ny sombin'ny aina
Fa ketraka ny saina
.
Iza no hantenaina???
.
Tsy zakan'ny fon-Dreny
Malemy sy osaosa
Ny hahita ilay malalany
Eo am-parafara vato
.
Ka,...mijohy tsy miato
Ny ranomasokely
Sisa mba tsy ritra
.
Satria iny sisa
No hany hanehoany
Ny alahelom-pony
.
Miangavy re levony
Tsy hisy fanin-droany
.
R.v.k

Hametraka hevitra

Midira aloha

Mombamomba

Mpanoratra : R.V.K

Nampiditra : Ravakiniaina.
Daty : 29/04/2019
Mpamangy : 152
Mankafy : 2

Tononkalo hafa

Tiako ianao k'anefa...
Tiava nefa,...aza manantena
Aza manin-droany
Handeha ianao k'anefa...
Sopatra ny tany
Hiangavy fanin-droany
Tandremo
Tonga ilay malalany
Tsara tsodrano
Ekeko