Ny tontolo anatin'ny soratro. (Rafanomezantsoa Tolojanahary Heritiana)

Tontolo tsy hita vatana
Fa vetsoin'ny fanahy
No avy ka mamantana;
Tontolo tsisy fetra
Fa kaloin'ny fo fitia
No tonga mitoetra,
Ao ny foko tsy matory
Ao ny feoko no mitory
Ao izy azo fohazina
Ao izy no azo hotazina

Tontolo mitontaly isa tsy hain'ny saina
No avy ka miaina
Ao ny saiko no mikasa
Ao ny aiko no miasa
Ao izy tsy voarara
Ao tsy misy mamarara
--------