Mitaraina (RAMAMINIRINA Henintsoa Jean Baptiste)

Mitaraina ny fo, mangina ao am-pony,
Feno alahelo, mitomany tsy am-pahony.
Ny fo mitady, fitiavana no andraso,
Maniry fiarovana, fa tsy hita izany ho azo.

Ny fo mikaroka, mitady hazavana,
Fa ny lalana aloka, manafina marina.
Ny tsiky fotsiny, maneno ho mangidy,
Manantena fiarovana, fa madio ny fanahy, mididy.

Mitaraina ny saina, mitady fitsaharana,
Mila fitoniana, maniry fandriampahalemana.
Eto am-piandrasana, tsy mahita fanafody,
Ny saina miteraka, manontany tena ho adidy.

Ny fanahy mitaraina, tsy mahita lalana,
Mikorontana, ny làlana sarotra tsaraina.
Ny eritreritra, misafotofoto sy mankaleo,
Maniry fandriampahalemana, fa ny saina tsy tony.

Mitaraina ny vatana, feno kivy sy fanaintainana,
Ny hoditra mangovitra, ny hozatra mikorontana.
Ny taovam-pisefoana mihorohoro, tsy mitony,
Mikiry ho an-kery, raha tsy misy fiarovana, mijoro.

Ny tongotra reraka, mifikitra amin'ny lalana,
Ny tanana mavesatra, feno setroka sy adin-tsaina.
Mitady fitsaharana, mitady fanamaivanana,
Ny vatana mitaraina, miandry fanarenana.

Ny ranomaso mihasatra, manambara fahasahiranana,
Ny fo mitomany, misandratra ny fahoriana.
Mbola miandry fitiavana, ho fitsaharana,
Ny fanahy mitady, fahasambarana mandrakizay.

Ramaminirina, 18/01/2025
--------