TSY HO TAFITA MIHITSY (RAMAMINIRINA Henintsoa Jean Baptiste)

TSY HO TAFITA MIHITSY
Raha lolom-po no entinao miaina,
Raha hasosorana no mibahana ao an-tsaina,
Tandremo fa toy ny afo miredareda,
Izany no hanimba, tsy hanasoa na dia kely aza.

Raha ozona no tononkiranao isan’andro,
Raha fiteny manindrona no ataonao angady sy harato,
Dia tadidio hatrany anaty aingam-panahy,
Tsy hisy ho tafita amin’ny lalana manjavona sy maizina ny diany.

Raha fahoriana an’ny hafa no ataonao seho,
Raha alahelon’olona no itondranao anareo,
Minoa re ry namana fa tsy fanafody izany,
Fa otrika mavesatra no hoentin’ny fanahy.

Raha miandry ranomaso no hampitony alahelo,
Raha ny fikasihan-doza no antsoin’ny saina ho fialamboly,
Tsy hahita masoandro ianao, tsy handre feo mamy,
Fa ho irery anaty aloka, ho very anaty tomany.

Raha fo ratra no hararaotinao hivoizana,
Raha fitaka no zava-bita, ny marina afenina,
Aza mino fa hahita fiadanana ianao,
Fa tsy ho tafita mihitsy, na dia hiady aza an-davitra izao.
--------