Ilay alina mangina (RANIAFITIANA Denita)

Ilay alina mangina
No hisainana ny ho avy
Mba hisian' ny fandinihina
Ny tena mba tsy hanavy
Ilay alina mangina
Tsy natao hatoriana
Fa raha misy sorisory
Dia tsy mahita tory

Ilay alina mangina
Mety hisotroana ny mangidy
Satria nianjady teo ny faoriana
Ka mavesatra ny adidy

Ilay alina mangina
Higoana ny tsara indridra
Afaka ilay fangirifiriana
Izay nangeja tsy nahafahana namindra
Ilay alina mangina
No mitondra fisainana
Jery todika nyaoriana
Fanembonana ny hoavy tsara anana
--------