OVIANA? (RAONA)

OVIANA?
Oviana moa ny rariny no mba nahitanao rirany ?
Oviana koa ny fiainana no nanome anao 'zay tsirony?
Oviana ny andro lasa no nampody 'reo tomany
ho zary hafaliana,hampitsiky indray ny ho avy?

Impiry izay ny fonao no diso fanantena ?
Dia mandrapahoviana ianao no hioty faharesena ?
Raha nitady vato ianao,impiry sendra toko?
Dia mandrapahoviana ianao no hisento sy hifoko?

Impiry ho hampahatsiahivina ny hasarobidin'ny fotoana?
Hiandry rahoviana ianao vao hitsahatra hisaona?
Oviana ianao vao hanaiky fa ny fanantenana diso,
no ampinga enti-miady hiatrehana ny ampitso?

RAONA
--------