DADA ô! (RHAd)

Mbola tsisy niantsa

Hangataka antsa
(Nalaina tao amin'ny vetso.serasera.org)
Nahoana moa ry Dada no
Nilaozanao zahay
Dia nipitrapitra irery
Kamboty velon-dRay
Fa tontolo ratsy lahatra ve
No narindranao sy Neny
No dia navelanao hanjahatra
Lay tokatrano kely

Tsy fantatrao reo ratra
Niambezo anatinay
Tsy tsapanao fa vatra
Niandry anao zahay
Rinambinay daholo
Ny aretina sy jaly
Dia lavo sy nikoro
F’ianao tsy mba namaly

Dia norafetinao ‘reo vinga
Hijofo ny fiainanay
Dia nadabokao lay singa
Hany nifaharanay
Tsy fantatra ‘reo vetso
Namony anatinay
Ka voataranganao hatreto
Lay aina nampiray

Aok’izay reo alona
Fanosikao ankaso fa
Am-ponay dia nivalona
Sy ritra ranomaso
Ka raha tankina hatomaratra
Ny fonao re ry Dada
Mimpodiana ndao mba hiaraka
Fa ny fitiavanay tsy mivava
--------
Rohy:
Sokajy : Fitiavana
2063 0
Hametraka hevitra
Midira aloha
Momba ny tononkalo
Mpanoratra : RHAd
Nampiditra : RHAd
Daty : 16/06/2011 18:37
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0099