RAIKI-PITIA (RHAd)

Mbola tsisy niantsa

Hangataka antsa
(Nalaina tao amin'ny vetso.serasera.org)
Mampitondra hafaliana
Ny orokin’ny olon-tiana
Ka toa vaky niparitaka
Lay fo efa nibitaka
Nampitsikiny ny tontolo
ka babony ao daholo
Zay nitady ny ho tiavina
Sy zay nitia ka tsy nolavina

Dia tsy andry mihitsy ny fotoana
Fa satry foana hifampitaona
Sy hifandray am-po tsy miato
Fa voahosotra aram-bato
Lay tempolin’ny fisiany sy
Reo teny ankamaminy
Tsy azon’iza ho takarina
Tsy azon’izan’iza amboarina

Azy irery ny habakabaka
Namelarany fitiavana
Tsy an-kiteny koa ny vavaka
Namenoany ny finiavana
Hiditra amin’ny lalin-dalina
Hamikitra amin’ilay nakarina
Ho ravaky ny fo mitia
Hitoetra an’ilany eo doria

Nafoiny zay rehetra azy
Nekeny ny hande sahady
Hiantsampy an-tratran’olon’iny
Hanoa zay rehetra faniriany
Fitiavana tsy misy fetra
Fitiavana manoa ny etsetra
Ho azy anie ny fanamperana
Ilay fitiavana indray miserana
--------
Rohy:
2165 0
Hametraka hevitra
Midira aloha
Momba ny tononkalo
Mpanoratra : RHAd
Nampiditra : Rhad
Daty : 06/12/2012 16:05
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0273