FINARITRA NY FO (RHAd)

Lay mason-tsika nifanojo
Lay fo nidoboka hafahafa
Miampanga tsy an-kitafa
Fa maniry anao ny nofoko

Lay endrikao tsara tefy
Lay tsikinao manjopika
Njao mandoro sy mampita
Lay filàna tsy voafefy

Lay volonao tsora dia
Lay vatanao tsara voatra
Misy hery mampitroatra
Te hamihina an-dry

Lay masonao baribary
Lay fande miantsiantsy
Mampanonga ny tsitanty
Fahafinaretana voahary

Lay oroka nifanolorana
Reo rantsana nifamatorana
Dia aina nifamezivezy
Nitondra teny Antampitrohatra
RHAd
--------