INDRISY (RHAd)

Misaly famoizana va ny fitiavako
No toa hafahafa sy be fanahiana
Manomban-ko faty va ny retsiky ny avako
Manarak’izany ny foko dia gina

Naoriko ho ela mantsy ny lapam-pitiavako
Kinanjo mihoraka ty ny fandrava
Folahiny hilefitra ho any ny lalako
Ka indro ny lanitro “TIA” mihamisava

Miady fiainana , mingosy ho faty
Lay herim-pitiavana mba nantenaina
Vonjeo re raha misy afaka hanampy
Fa nofo anie aho, lena fa tsy maina
--------