Soa fa nisy vehivavy ! (Samoana)

Soa fa nisy ianao ry Neny
Mamin'ny fo mpanambitamby
Mifoha maraina, alim-pandry
Tsy mba fanaka malemy

Soa fa nisy ianao ry Bavy
Mamakely tso-panahy
Akamabôna sy favy
Hantahantan-dranadahy

Soa fa nisy ianao ry Vady
Sombin'aina nofinidy
Hiara-dia sy hibalady
Hizara mamy sy mangidy

Soa fa nisy ianao Rasipa
Mamaly ny antso mifanesy
Tsy manavaka tarehy sy bika
Fandanianay SMS !

Adim-piainana isan'andro
Herisetran-dehilahy
Mankaleo sy mampanavy
Soa fa nisy anao ry Vavy !

Misaotra Anao r'ilay Nahary...

Samoana, 08 Marsa 2006
--------