Tsy haiko ny naneho (soama)

Nantsain'i
(Nalaina tao amin'ny vetso.serasera.org)
Tsy haiko ny naneho

Tsy tsinjonao tamin'izany
Fa niboika tato an-tsaiko
Ho anao mba nantenaiko
Ny Faniriana sesilany.

Tsy tsapanao akory
Ilay fanainga mba natorako
Sy mba hany nisalorako
Ny fitiavanao natory.

Tsy henonao ilay feo
Niritsoka mangina,
Asa, ianao variana
Tsy naheno ny toreo.

Tsy azonao an-tsaina
Ny tao anatiko tao
Izay nivetso anao
Nofidiko ho lalaina.

Tsy tsikaritrao satria,
tsy haiko ny nitsotra,
Ny tao am-poko nipololotra
Toa kely manam-pitia.

Tsy voarainao kosa
Izay natokako homena
Dia ireo toky sesehena
Sy ireo teny soa miavosa.

Tsy fantatrao anefa,
Fa taminao, rahavako,
Ny tena fitiavako
No zary niantefa.

Tsy takatrao tokoa
Ny tena tiako ambara
Izay nivalona ho tantara,
Tsy afaka ao am-po.

Soama
15.09.89
--------
Rohy:
Sokajy : Fitiavana
2557 0
Hevitra mandeha
tanjonaherimpinoana ( 05/01/2019 07:33)
Tiako loatra
Hametraka hevitra
Midira aloha
Momba ny tononkalo
Mpanoratra : soama
Nampiditra : soama
Daty : 09/11/2003 02:00
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0146