VOAOZONA (Telonohorefy)

Nantsain'i ikalamako
(Nalaina tao amin'ny vetso.serasera.org)
VOAOZONA

Marivo tototra loatra ny laingany
Ka nofokarin'akoho tokana anaka
Vao hitako ratsy fitsaika ny fiaingany ,
Narindriko ilay vavahady nibànaka

Ny eto hono, mantsy , tanànan'ny fetsy
Ny fon'olona eto malain-kava-manana
Ny eto , izay "atsy.." tahaka ny "etsy.." :
Miaina amin'ny rivo-pamingampinganana

Dia fiaraha-monin'ny tia siosio
No toa fokon'olona mara fisaina
Tsy mety mahita izay tombony anio
Maty fanahy , vozonan'ny laina !

Gaga aminao aho ry iray fokontany
Mijoro kanefa toa he mihozongozona.
Lany fotoana aho raha mbola hanontany
Fa raisiko fotsiny ho "olom-boaozona"

?✍ Telonohorefy
--------
Rohy:
Sokajy : Fiaraha-monina
228 0
Hevitra mandeha
Ralovarj ( 20/06/2023 06:12)
kanto ary tena tiako, mirary soa ho an'ny mpanoratra
Hametraka hevitra
Midira aloha
Momba ny tononkalo
Mpanoratra : Telonohorefy
Nampiditra : Telonohorefy
Daty : 11/06/2023 18:26
Antsantononkalo
Nantsain'i ikalamako
Tononkalo hafa
© Eugene Heriniaina - serasera.org 1999 - 2024 - page load 0.0277