Hafatr'I Neny (Toky Angelo)

Ry zanaka hendry tinezan'ny tsaha
Sikino ny hery ifikiro ny zoto
Ilay fahendrena tsy mena-mitaha
Tafio fiarovana mba tsy haloto

Tsy vitsy ireo olona efa tafita
No tsara sy mendrika hatao ohatra
Tsy manan-karena hianteherana isika
Fa ny fianarana no ataovy tohatra

Ny sedra mpamingana tsy mandao tany
Ka raiso ho adidy ny mitandrin-tena
Raha misy ny olana, izahay eto ihany
Mba hitady izay mamy amin'ny fambolena
Toky Angelo
--------