SARY VOLANA (TSIRY)

SARY VOLANA

Io volana io,
Raha manjohy ny any,
Sahala ny aty
Mba hiangaviko indrindra
Mba hampita hafatra :

« Diniho, banjino
Raha mety dia fihino
Izay teniny valio
Ary hitsikio angolangolakely »
Hampifanjohy antsika

Fa…
Raha sanatria tsy hita,
Miseho ho be marena
Tsy ho laitranao tenenina
Dia,
Ivilio, ipitsiho
F’efa renokin’ny tory
Ny ao anatiny ao !


Mody…
Kisarisary sisa
Navelany ho antsika
Mihelohelo io !

Miseho manjom-pika
Mitendry ty valihany
An-tsasak’alim-be

Dia…
eo ianao
ho voalangolangon'¬ity
taram-pazavany

Kanefa…
Io volana io,
Tsy afaka hifoha
Tsy afaka hampita
lay vetsovetsontsika
An-tany lavitr’any

TSIRY
--------