POETA (TSIRY)
Mbola tsisy niantsa
(Nalaina tao amin'ny vetso.serasera.org)
POETAFa tsy ho fantatrao ny tombany
Na zay mety mombamombany
Tsy ho tsapanao ny fatrany
Sy zay rehetra mety ho tanjany
Eny,
Ho sary mazina aminao
Fa ny endriny mangina
Nefa toa misary ihany
Misiterim-pifaliana
Nefa izao no tadidio
Fa ny bitsikin’ny fony
Na dia teny iray aza
D’efa ampy hanehony
Zay rehetra tsy voalaza
Ka ho fantatrao tokoa
Ilay hoe tsiambararoa
Fahasambarany rehetra
Nokobonin’ny poeta
TSIRY
--------
Rohy:
Sokajy :
Aingam-panahy