IZANY VETSONY? (ZAFY REARY)

Nantsain'i ikalamako
(Nalaina tao amin'ny vetso.serasera.org)
IZANY VETSONY

Mangirifiry e! ny foko
Rehefa iny ianao fa lasa
Toa tsy tantiny mihitsy ilay velomanao
Mbola iny fa manasa
Izato masony hitopy indray mandeha
Amin’izato tsikinao
Ka halahelo no injao mandondona anaty any:
Hirifirina tomany.

Izany vetsony? Fantaro.
Fa sary maro mifangaro.
Ny hany tokana mba tsapako;
Dia ny anilanao no andrasako.

E! … Raha mba afaka mijanona
Ilay tsikikelinao maditra
Sady mampitsiriritra;
Dia sambatra ka sambatra,
Lazaiko tsy mihambatrambatra
Ilay foko tia anao. … Adala!
Ka te hamaky vala.

Fa sary maro mifangaro.
Izany vetsony? Fantaro.
Mangirifiry izany foko
Torovandrovana toloko
Fa nametraka veloma
Ilay akanjo menanao.
Nefa tsy orana midona.


Zafy REARY, Goma 22 desembra 2011
--------
Rohy:
1229 0
Hametraka hevitra
Midira aloha
Momba ny tononkalo
Mpanoratra : ZAFY REARY
Nampiditra : zonia
Daty : 22/12/2011 14:16
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.0109