Lavitra (Zaka Berthot RANDRIANASOLO)

LAVITRA

Izany rivotra misiotsioka,
malefaka eny amin’ny tavako
Tsara, matehotia, nefa kosa,
tsy ao no ahitako… ny hasambarako.

Na dia milay aza ny andro,
mibalika ny masoandro
Raha lavitra ianao aho ry tiako
Toa haizin-kitroka no hitako.

Matsiaro anao foana aho
Tsy maraina tsy ariva,
Hany ka ny anaranao,
lasa nataoko hirahira

Eny e! Atao ahoana moa
fa ny tena dia lavitra
Jerijery, sy manantena ny fo..
ny fitiavan-tsika mba aharitra.

Tsy ho resin’ny alavirana
Tsy ho resin’ny taona
Fa mandrak’izay n’irina
Ho ankilanao, ka de mandrapihaona.

Lavitra | Zaka Berthot, 06 Febroary 2024.
--------