Mbola manantena anao (aladin)

Mbola tsisy niantsa

Hangataka antsa
(Nalaina tao amin'ny vetso.serasera.org)
Nanantena anao ity izaho
Ho ando hamelombelon'aina
Hay fanala nahalao
Nitondra hatsiaka sy taraina

Jamba taminao ity foko
Revo koa izany saina
Hay tadio nitora-jofo
No reko nihatra aman'aina

Nitia anao tokoa mantsy aho
Dia ilay fitiavana madio
No natokako ho anao
Izany no mba tadidio

Tsy omeko tsiny ianao
Nanaitra ity foko ity
satria ao anatiko ao
Dia tsy voafafa ilay Fitia
FA MBOLA MANANTENA ANAO
--------
Rohy:
9901 4
Hevitra mandeha
manjakely ( 10/05/2004 18:43)
mahafinaritra ilay tonokalo!
nyeja ( 02/08/2004 12:31)
soa ny manantena !
Malalason ( 14/09/2004 10:20)
ANY MBOLA MISY
ZARA HO ANAO
TONTOLO IRAY VAOVAO
METY TSY NOHEVERINAO
FA HITONDRA FIADANANA...
DIA IZA ?

TSY IZA FA 'LAY NAMANA
'LAY TIA SY MIANDRY ANAO

R.JO (14/06/04)
rojosalohy ( 11/01/2012 12:08)
Tsy misy hanenenana ny zavatra vita
Tantara navalona ireny saingy ho tsaroana hatrany
Dia aza kivy fa tsy misy fery tsy sitran'ny fotoana
Raha anjara ilay fitia nifampizarana
Tsy hanantena intsony ianao fa ho tanteraka ny fanirianao!
Mankasitraka
Hametraka hevitra
Midira aloha
Momba ny tononkalo
Mpanoratra : aladin
Nampiditra : aladin
Daty : 15/04/2004 12:27
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0098