Avelao aho (Aleo mitraka)

Avelao aho hitomany
Fa ny ranomasoko,hanasa ny tasi-paharesena eo amin'ny tavako
Raisiko ampahalemena ny fahareseko
Antenaiko fa mbola ho avy ny valim-bavako

Avelao aho hitanisa
Ireo efa vitako ka nahandoro nahamay
Ato anatin'ny fahoriana no mamisavisa
Ny fandresena nandrandraiko hatr' izay

Avelao aho hisento
Tsy maninona fa fahazarana iainako izany
Mbola hirodana ny manda-pahareseko
Ka handositra ahy ny jaly sy tomany
--------