Fitaka (Andriniela)

Raha ny masonao akia
Dia toa mitaratra fitia...
Malefadefaka fijery,
Toy ny hazavana mankahery.

Ilay tsiky toa hilaza zavatra
Sy noheveriko hahasambatra,
Lazaiko ho bitsiky ny fo,
Kinanjo,inona ary moa!?

Fa noheveriko ho vony
Hamoaka hanitra ao am-pony...
Dia tena babo aho ka nibitaka.

Hay,tsilo nohaingoana lisy
Nandratra ny aty fo,indrisy,
Tsiky sy fijery fitaka!

Andriniela
--------