Hianao no tononkirako (Antsa tononkalo.R)

Nantsain'i ikalamako
(Nalaina tao amin'ny vetso.serasera.org)
"Hianao no tononkirako" ho an'i*...

Ny tsiky iray imolotrao, namaharako hasambarana
namenoako izay tsy feno, tamin'ny fo, fanahy, fisainako
Dia masoandro tatsinana, izay nataoko fanoharana ,
Tamin'ny "tsikinao" ihany , no lazaiko hoe marainako !

Ary 'lay marain-droa? -tamin'ny loko mangan-danitra
nofaritako ho habakabako, izay hiraiko foana,lahy,
teny an-dohasaha haolo feno voninkazo manitra
Dia ny "masonao" indrindra, fony ianao nibanjina ahy.

Irony hoe somabisambin'ny hariva safomorona,
volon'andro tantaraiko , sy ny kalokalom-borona
dia tsy zovy fa hianao , tamin'ny voary tomandavany

fa hianao no tononkirako , tamin'ny lantom-peok' iva
nohiraiko raha maraina, nokaloiko fony hariva,
Tamin'ny foko velon-kira, nampihirain'ny "Fitiavany".


Antsa Tononkalo.R "volana Jona 2020"

in *Hianao no mahalala"
--------
Rohy:
595 0
Hametraka hevitra
Midira aloha
Momba ny tononkalo
Mpanoratra : Antsa tononkalo.R
Nampiditra : antsa tononkalo.R
Daty : 26/09/2020 13:56
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.0106