ANAY I GASIKARA (Elysé Azrael)

Anay i Gasikara
Na ratsy io na tsara,
Fanananay irery
Tsy avelanay ho very

Nareo Frantsay
Nanjanaka anay,
Miomana amin'izay
F'hahita mahamay

Manan-jo ny Gasy,
mba hiana sy hilasy
Eo amin'ny tanindrazany
miaraka amin'ny havany,

Manan-jo hiaina,
Manan-doha hisaina,
Manan-jo hiaro
Tsy hohanihim-pahavalo

Miomàna ianareo
Mpanjanaka ireo;
MIFOHA NY VAHOAKA,
KA LASA IALAHY MITSOAKA!!!!
--------