TSY MATY NY LASA (FahNamby)

TSY MATY NY LASA

Ny ngidy navelan'ny lasa
Sarotra alàna ao anaty,
Ka n'inona zava_kinasa
Ny tsiaro tavela tsy maty.

Ny ratra manjary mandoaka
Mangeja ny fo tsy hitony,
Na inona zava_naloaka
Ny fery tsy sitrana intsony.

Ny sisa vao mainka maniry
Na efa vonoina impiry.
Mandreraka ny ati_fanahy.

Kanefa na inon_kidona
Na inona zava_tsaroana.
Mbola hijoro sy ho sahy.

FahNamby
08/02/18
--------