LOKOM-PITIA (Zoky Eric)

ny loko mena
maneo fifanekena
manintona ny saina
sy izay rehetra lazaina

fa ny loko mena
dia loko tsy azo ekena
fa mora mihongotra ny vahatra
feno lainga tsara lahatra

ny loko mena
manambara fahendrena
fa ambava fotsiny ihany
mora rava haviatrany

ny loko mavo
manambara hatsarana
ka tsy mba ho lavo
sady tsara fihafarana

ny mavo no loko tsara
maneo fitiavana tsy miova
fa manaja ny anjara
ary ko mitondra lova

ny loko mavo,fifaliana
tsy voasinton'ny zavadratsy
manambara fitsitsiana
ka tsy mba ho lany vatsy

ny mavo,fandeferana
ny mena,fahatezerana
anao ny safidy
na ny mamy, na mangidy
--------