AZA MISY (Hasina)
Pas encore lu
(Nalaina tao amin'ny vetso.serasera.org)
Rakotra haizina ny tanyAnaty alina mangina
Ny eritreritra amin'izany
mitety ny habak'olo-tiana
Te-hitafy ny hafanany
Fa mikitroka ny alina
Dia manembona any ho any
Amin'ny nofy an'alin'alina
Raha mikoro izato tany
Tsy azo honenana intsony
Hanorenako ny ankany
Ny habakabaka eny ambony
Raha ny kitana no hiraraka
Na hihintsana ny volana
Any an-danitra any miaraka
Fa tsy asian-tsika olana
Fa raha holavin'Andriamanitra
Ny tanantsika hifampitantana
Na koa harindriny ny lanitra.
Dia ononiko ny foko: aza misy ry fitiavana
--------
Lien:
Catégorie :
Aingam-panahy
Fans:
Hansinosoavina