Aloka (Heriarilala Andriamamonjy)

Misy manalokaloka
maniry ahy tsy haharitra
amin'ny fonao tena tia...

Tsindriany nofy ratsy
toa tsy zaka tsy ho tanty
fa mampiverin-dia !

Dia velona ny "sao",
miavosa ny "f'andrao";
manomboka manahy

andrao mihodina tsy hita
na koa joko tsoriaka
ilay tian'ny fanahy !

Manomboka mihasarotra
na dia mahafinaritra
ny fiarahana aminao.

Fa be mpanelingelina
ireto olombelona
ka inona no hatao ?

Heriarilala Andriamamonjy 23:21
21/02/25
--------