TIA (Herimec)

Maro ny hazo fa ny fary no mamy
Maro mpitady sady be mpanontany
Fa raha zazavavy de ianao no to raitra
Ka hitsabo ‘ty foko ka hametaka zaitra

Railovy no tsara raha vorona an’ala,
‘ty feony manga miantso malala;
F’ireo tovovavy ‘zay eto gasikara,
De ianao irery ihany no kanto sy tsara.

Betsaka ihany no niserana imasoko,
Samy amin’ny bikany ka samy nandrasako;
Fa ianao no niavaka ka finidin’ny foko,
Namoaka hery hafa fitia hafa loko.

Inty ny dia-peniko mba raiso, vakio,
Tenin’ny foko io ka raiso tadidio;
Tsy sangy sanatria fa hery manonja,
Tsy zakako intsony 'lay litera telo monja: “TIA”
--------