TSY NY HARATSIKO (ILAY RANGASOFINA. ( Ny Andri-Fara ))

TSY NY HARATSIKO!
Tsarovy fa tsorina, tsy takona afenina,
Ny endrika ratsy, ny bika tsy kanto;
Kanefa ny foko tsy mbola nanenina,
Na dia teo aza ireo teny mandratra, tsy mionto.
Ratsy fanahy, hoy ianao izay mitsara,
Ratsy toetra, tsy mendrika hoderaina;
Ny peniko ihany no hany mpanambara,
Izay rehetra miandry ao anaty fisainana.
Fa tsy ny haratsiko, ry mpitsara ivelany,
No hamaritra ny hoavin’ity fanoratako ity;
Ny tsiniko angamba ho hita eo ivelany,
Fa ny haren’ny saiko, ho rakitra ho drakitry ny fony.
Ratsy ny bika, ratsy ny toetra izay tianao ho lazaina,
Mpanoratra vendrana, mpanoratra lavina;
Kanefa ny teniko, mbola hovelomina ao an-tsaina,
Na dia ny tenako aza no tianao ho sakanana.
Tsy ny haratsiko no hibaiko ny tantara!
01.11.2026. Mangarivotra ; Ilay Rangasofina. Voir moins
Publication partagée
--------