Rahavavin'ny fanahiko (N'Aina)

Notadiaviko hatrizay
Fa tsy nampoiziko ho hitako
Ianao rahavavin'ny fanahiko
Ianao famenoko sy silako
Ka averiko eto indray:
Ianao irery no tiaviko

Ny fiainako ilaozanao
Dia lasa haolo, babangoana
Marary hatrany anaty faka
Ny fofon'aiko toa handao
ny foko gina, zary moana
Vesaran'entana tsy zaka


Aiko ianao sy ilaiko
Hameno ny androko rehetra
Fitiavako efa midorehitra
No anao ry Tiako sy Lalaiko

Ka fianianako iray:
Tiako ianao mandrakizay
--------