Raha hitanao izy (Nikopol)

RAHA HITANAO IZY




Raha hitanao izy,
Lazao fa tsy alahelo,
Na koa lolom-po
Ny eritreritro aminy…


Ireo rivotra nifofo,
Sy ny kotro-baratra
Nisarahanay…
Tantara sisa ireny…


Ny aminay ve?
Fo roa nanganohano,
Mbola virijiny,
Nianatra nitia.


Fitiavana voalohany,
Naraham-belirano.
Fifanomezan-toky,
Ny haharitra ho doria…


Nefa moa ny fiainana,
Nametraka ny lalany…
Ilay fiarahanay
Nataoko tsy hisy farany…

Tantara sisa ireny…


Eny ‘e,
Mety hisy tsiky,
Na sento tsy ho voatana…
Nefa lazao azy,
F’efa tony “hono”
Ny rano izay nitana.


Raha hitanao izy,
Lazao fa fifaliako
Ny hahasambatra azy…
Izaho hanohy ny diako,
Izy koa hiriako
Mba hanohy ny azy.


…/…

Nikopol -J
--------