Aza atao miandry ela (Nolross)

Aza atao miandry ela.

Nifanaritarika teny
Nifanaraka tsara
Tsy nisy nifampiteny hoe
Andao hizara
Ilay fitia voakolokolo
Fitia tao anaty
Izay mila tsy hotanty

Mety tsy ho fahasahiana
Na fatahorana an’ilay tiana
Na koa fifanajana
Nefa tena fandrika malama
Dia lany andro teny foana
Ka variana sy sondriana
Nanisa andro no hany sisa
Ka ny nofinofy alina
No atao disadisa

Rahoviana ihany izy ity
Rahoviana vao hamboraka fitia
Sa fitia tsy manan-kambo
Matahotra ny ho rendrika
Marofy toy ny sambo
Resin’ny onja mifanejika?

Aza atao mankarary
Mba tsinjovy ny afara
Fa raha ny fo no miandry ela
Indray andro, mety ho diso anjara!

Genève, Juillet 2001
--------