Ny Masonao (Ny Kanto MARISON)

Pas encore lu

Demander une lecture
(Nalaina tao amin'ny vetso.serasera.org)
Androany aho mahatsiaro, mieritreritra ilay andro
Nifanenako taminao, nibaliaka toa masoandro
Saika tsy afa-po mihitsy aho raha nijery anao
Fa dia variana sy nandinika, mibanjina ny masonao

Tsy haiko hoe maninona, tsy haiko hoe nahoana
Fa rehefa tojo anao aho, rehefa isika tafihaona
Dia hafa mihitsy no mitranga, miova ny tontolo
Ny manodidina rehetra dia manjavona daholo

Izao aho vao mahatsapa, izao aho vao mahatsikaritra
Fa matoa aho variana, mijery anao maharitra
Dia tsy inona tsy akory fa noho ilay masonao mihiratra
Miampy ilay hatsaranao sy ilay tsikinao mamiratra

Raha ny masonao mantsy dia tena hafakely mihitsy
Ary ny olona toa anao dia mino aho fa tena vitsy
Mba tsy ilazako hoe tsy misy hafa tsy ianao
No manana fijery toy izao fijerinao izao

Amiko manokana anefa, ny fijerinao dia tsy manam-paharoa
Mahatonga anao sariaka sy manana endrika soa
Hany ka mientana ery ny foko vao tojo ny masonao
Velomboly tanteraka ka manjary te hanantona anao
--------
Lien:
Catégorie : Aingam-panahy
838 1
Ajouter un commentaire
Veuillez vous connecter
A propos
Auteur : Ny Kanto MARISON
Inséré par : nikantoindrindra
Date : 25/03/2017 06:10
Lectures

Pas encore lu

Demander une lecture Ajouter audio
Autres poèmes
© Eugene Heriniaina - serasera.org 1999 - 2024 - page load 0.0133