Fa mba nankaiza!? (Ny Sitraka)

Fa mba nakaiza kosa lahy,
Lay nahaolona dia ny fanahy!?
Fa toetra mamohetra,
No mianaka, mivelatra!?
Fa mba nakaiza kosa izao,
Lay naha malagasy anao!?
Toa mirongatra tsy hay tanana
Ny ory tsy havan'ny manana!
Fa mba nakaiza kosa izatsy
Lay famaontinana tsy mba misy tasy!
Fa fitafiana, miboridana, tsy mirindra;
No lazaina fa"Ny kanto indrindra"!
Fa nahoana kosa moa
Raha havela, hajanona avokoa
Reo zay tsy mahamendrika
Sao manko!,ho tafita vao ho
rendrika!
Fa mba nakaiza kosa lahy,
Lay nahaolona dia ny fanahy!?
Fa toetra mamohetra,
No mianaka, mivelatra!?

Ny Sitraka
(02/03/02)
--------